किसानको पीडा : बाली जोगाउने कि ज्यान ?

गुल्मी । करिब डेढ वर्षको अन्तरालमा गुल्मीमा फेरि उस्तै प्रकृतिको हृदयविदारक घटना दोहोरिएको छ । बँदेलबाट बाली जोगाउन खेतबारीमा प्रवाह गरिएको विद्युतीय करेन्टमा परेर यसपटक धुर्कोट गाउँपालिका–५, गान्टारीकी ६० वर्षीया हुमकला भण्डारीको मृत्यु भएको छ । यसअघि २०८१ चैत १२ गते मुसिकोट नगरपालिका–७ मा यस्तै घटनामा चन्द्रकला कुमालले ज्यान गुमाएकी थिइन् ।

दुवै घटनामा जंगली जनावरबाट बाली जोगाउन श्रीमान्ले खेतमा प्रवाह गरेको करेन्ट आफ्नै श्रीमतीको मृत्युको कारण बनेको छ । यी दुई घटनाले गुल्मीका किसानले वर्षौंदेखि भोग्दै आएको जंगली जनावरको समस्या, राज्यको कमजोर व्यवस्थापन र किसानको बढ्दो निराशालाई राष्ट्रिय बहसको विषय बनाइदिएको छ ।