किशोर श्रेष्ठलाई राज्यशक्ति दुरुपयोग गरी आतंकित पार्ने काम रोकियोस्ः नेकपा

काठमाण्डू– नेपाली कम्युनिष्ट पार्टी (नेकपा) ले जनआस्था साप्ताहिकका सम्पादक किशोर श्रेष्ठमाथि समाचार लेखेकै आधारमा राज्य शक्तिको दुरुपयोग गरी आतंकित पार्ने काम गरेको भन्दै सरकारलाई त्यसो नगर्न चेतावनी दिएको छ ।

मंगलबार प्रतिनिधिसभा बैठकको विशेष समयमा बोल्दै नेकपा प्रमुख सचेतक युवराज दुलालले समाचार लेखेकै आधारमा पत्रकारलाई आतंकित पार्ने काम रोक्न माग गरे ।