विपक्षी दलहरूले भने– प्रधानमन्त्री नआई संसद्को कारबाही अगाडि नबढाइयोस्

काठमाडौँ । विपक्षी दलहरूले प्रधानमन्त्री बालेन शाह संसद्मा नआई प्रतिनिधि सभाको कार्यसूची अगाडि नबढाउन सभामुखलाई आग्रह गरेका छन् । उनीहरूले मङ्गलबार सभामुख डोलप्रसाद अर्यालले सदनको कार्यसूची अगाडि बढाउन लाग्दा उठेर विरोध गरेका थिए ।

त्यसपछि सभामुख अर्यालले विपक्षी दलहरू नेपाली कांग्रेसकी प्रमुख सचेतक वासना थापा, एमालेका प्रमुख सचेतक ऐन महर, नेपाली कम्युनिस्ट पार्टीका प्रमुख सचेतक युवराज दुलाल, श्रम संस्कृति पार्टीका प्रमुख सचेतक आर्यन राई र राष्ट्रिय प्रजातन्त्र पार्टीकी प्रमुख सचेतक खुश्बु ओलीलाई पालैपालो बोल्न दिएका थिए ।