मेस्सीका बुबाको निधन भएको हल्ला गलत, स्वास्थ्य अवस्था सुधारोन्मुख

ब्युनस आयर्स, अर्जेन्टिना– विश्व फुटबलका सुपरस्टार लियोनल मेस्सीका जर्ज मेस्सीको निधन भएको भन्ने सामाजिक सञ्जाल तथा केही अनलाइन माध्यममा फैलिएको हल्ला निराधार रहेको पुष्टि भएको छ । मेस्सी परिवारले जारी गरेको आधिकारिक वक्तव्यमा जर्ज मेस्सी जीवित रहेको, स्वास्थ्य समस्याका कारण चिकित्सकीय निगरानीमा उपचाररत रहेको तथा उहाँको स्वास्थ्य अवस्था क्रमशः सुधार हुँदै गएको जानकारी दिएको छ ।

हालै सम्पन्न फुटबल प्रतियोगिताका क्रममा अर्जेन्टिनाको खेलपछि लियोनेल मेस्सी भावुक देखिएको दृश्य सार्वजनिक भएपछि उनका बुबाको स्वास्थ्य अवस्थाबारे विभिन्न अड्कलबाजी प्रारम्भ भएका थिए । त्यसपछि सामाजिक सञ्जालका विभिन्न प्लेटफर्महरूमा जर्ज मेस्सीको निधन भएको दावी गर्दै अपुष्ट समाचार र पोस्टहरू तीव्र रूपमा फैलिएका थिए ।