सम्पत्ति शुद्धीकरण नियन्त्रणमा कमजोर देखियो नेपाल, ग्रे लिस्टबाट बाहिरिने सपना अधुरै

काठमाडौं- नेपाल सम्पत्ति शुद्धीकरण तथा आतंकवादी गतिविधिमा लगानी नियन्त्रणसम्बन्धी अन्तर्राष्ट्रिय निगरानी संस्था फाइनान्सियल एक्सन टास्क फोर्स(एफएटीएफ) को खैरो सूची (ग्रे लिस्ट)बाट बाहिर निस्किन फेरि असफल भएको छ।

फ्रान्सको पेरिसमा सम्पन्न एफएटीएफको प्लेनरी तथा कार्यसमूह बैठकले नेपाललाई सम्पत्ति शुद्धीकरण तथा आतंकवादी लगानीको जोखिमयुक्त मुलुकहरूको खैरो सूचीमै निरन्तरता दिने निर्णय गरेको हो।