बर्खामा त्रासपूर्ण यात्रा

खोटाङ् खोटेहाङ् वडा नं. ३ की मनिषा राई इटहरीको जनता बहुमुखी क्याम्पस वीए तेस्रो वर्षमा अध्ययन गर्छिन् । हिउँदको बेला थुप्रैपटक आउँजाउँ गरेपनि बर्खाको बेला पहाड (भित्ता) झरेको झल्झली सम्झँदा उनलाई घर जाने हिम्मत नै आउँदैन् ।

उनी घर आउँजाउँ गर्ने बाटो उदयपुरको बेलका नगरपालिकाको रामपुर हुँदै गाइघाटबाट साउनेपोखरीटार हुँदै रसुवाको सिमपानीबाट खोटाङ्को ठाटी भञ्ज्याङ् पुग्न बर्खाका बेला ठूलै युद्द जितेर सफलता मिलेजतिकै हुन्छ । यो सडक खण्डमा अहिलेसम्म दुई पटक दुर्घटना भइसकेको छ । ‘हिउँदकै बेला पनि यो सडक हिड्दा त्राहीमाम हुने गर्छ, बर्खाको समयमा उदयपुरको रसुवा पहाडको पुरै भिरालो भाग छ । यो पहाडको भागमा अलिकति सानो त्रुटी भएमा सोझै कोशीमै पुगिन्छ, पहाडबाट सोझै कोशीमा झरेपछि बाँच्ने आश त हुँदै हुँदैन्,’ उनले भनिन् ।