सम्पत्ति शुद्धीकरणमा नेपाल फेरि ग्रे लिस्टमै

काठमाडौं ।

नेपाल फाइनान्सियल एक्सन टास्क फोर्स (एफएटीएफ) को ग्रे लिस्टबाट तत्काल बाहिरिन नसकेको छ। फ्रान्सको पेरिसमा सम्पन्न एफएटीएफको प्लेनरी बैठकले नेपाललाई उच्च निगरानीमा रहने ‘ग्रे लिस्ट’मै निरन्तरता दिने निर्णय गरेको हो। यससँगै सम्पत्ति शुद्धीकरण (मनी लन्डरिङ) तथा आतंकवादी वित्तपोषण नियन्त्रणका क्षेत्रमा प्रभावकारी सुधार गर्न नेपालमाथिको अन्तर्राष्ट्रिय दबाब कायम रहने भएको छ।