लागुऔषध मुद्दामा फरार दुई जना प्रतिवादी पक्राउ

काठमाडौँ । प्रहरीले लागुऔषध नियन्त्रण ब्यूरोले लागुऔषध मुद्दामा फरार दुई जना प्रतिवादीलाई पक्राउ गरेको छ। पक्राउ पर्नेमा मोरङको पथरी शनिश्चरे नगरपालिका वडा नम्बर–९ घर भएका २९ वर्षीय ज्ञानेन्द्र खड्का र बाराको परवानीपुर गाउँपालिका–२ घर भएका ३० वर्षीय खडानन्द प्रसाद यादव छन्।

खड्कालाई सोमबार मोरङबाट पक्राउ गरिएको लाागुऔषध नियन्त्रण ब्यूरोका एसपी दुर्गाराज रेग्मीले रातोपाटीलाई बताए । अर्का प्रतिवादी यादव काठमाडौँबाट पक्राउ परेका हुन्। उनीहरू दुवै जना जेनजी आन्दोलन हुँदा भदौ २४ मा थुनाबाट भागेका थिए । ७८ ग्राम खैरो हेरोइन मुद्दामा पक्राउ परेका यादव कारागारबाट भागेका थिए।