प्रदेश सरकारको नीति तथा कार्यक्रम

सुदूरपश्चिम प्रदेश प्रमुख नजिर मियाँले प्रदेश सरकारको तर्फबाट आर्थिक वर्ष २०८३/८४ को नीति तथा कार्यक्रम सोमबार प्रदेश सभा बैठकमा प्रस्तुत गरेका छन्। विगतका वर्षझैँ नीति तथा कार्यक्रममा कृषि, स्वास्थ्य, शिक्षा, पूर्वाधार निर्माणलगायतका क्षेत्रका कार्यक्रमलाई प्राथमिकतामा राखिएको छ। त्यसैगरी गरिबी न्यूनीकरण, युवालाई रोजगारमूलक कार्यक्रम, साना तथा मझौला उद्योग स्थापना, पूर्वाधार विकास, खानेपानीका कार्यक्रमलगायतका विषय नीति तथा कार्यक्रममा समेटिएका छन्।

छ वर्षदेखि अपेक्षित प्रगति गर्न नसकेका ९ जिल्लाका ९ गौरवका सडक आयोजना आगामी वर्षमा सम्पन्न गर्ने सुदूरपश्चिम सरकारले घोषणा गरेको छ।