बजेटमा नयाँपन छैन, निजी क्षेत्रलाई उत्साहित बनाउन सकेन : सुरेन्द्र पाण्डे

बुटवल । नेकपा एमालेका नेता तथा पूर्वअर्थमन्त्री सुरेन्द्र पाण्डेले सरकारले आगामी आर्थिक वर्षका लागि प्रस्तुत गरेको बजेटमा जनताले अनुभूति गर्ने खालको कुनै नयाँपन नभएको टिप्पणी गरेका छन्।

रूपन्देही व्यापार सङ्घले आज बुटवलमा आयोजना गरेको आर्थिक बहस कार्यक्रममा बोल्दै पाण्डेले बजेटको आकार ठुलो भए पनि राज्यको आर्थिक चरित्र परिवर्तन गर्ने कुनै ठोस योजना समावेश नभएको बताए। उनले बजेट कार्यान्वयन नै सबैभन्दा ठुलो चुनौती रहेको उल्लेख गरे।