जगदम्बा मोटर्सले नेपालमा भित्र्यायो टिभिएस रोनिनको दुई नयाँ भेरियन्ट, कति पर्छ मूल्य?

टीभीएस मोटर कम्पनीले नेपालका लागि आफ्नो आधिकारिक वितरक जगदम्बा मोटर्स प्रालिमार्फत ‘टिभिएस रोनिन मोनोटोन’ र ‘टिभिएस रोनिन अगोन्डा’ बजारमा सार्वजनिक गरेको छ। नेपालको प्रिमियम मोटरसाइकल बजारलाई थप मजबुत बनाउने उद्देश्यका साथ यी दुई नयाँ भेरियन्ट नेपाली बजारमा भित्र्याइएका हुन्।

काठमाडौँको ठमेलस्थित क्लब नोभामा आयोजित एक साङ्गीतिक कार्यक्रमबिच यी नयाँ मोटरसाइकलहरूको अनावरण गरिएको हो। नयाँ भेरियन्टहरूले टिभिएस रोनिनको लाइनअपलाई बोल्ड स्टाइलिङ र आधुनिक–रेट्रो चरित्र प्रदान गर्दै तीव्र रूपमा बढिरहेको प्रिमियम मोटरसाइकल खण्डमा युवा सहरी राइडरहरूलाई आकर्षित गर्ने विश्वास कम्पनीले लिएको छ।