ओमानलाई सजिलै हराउँदै फाइनलमा पुग्यो नेपाल

सिंगापुर । एसिया कप पुरुष छनोटको पहिलो सेमिफाइनलमा नेपालले ओमानमाथि ८ विकेटको सहज जित हात पारेको छ । ओमानले प्रस्तुत गरेको ९५ रनको लक्ष्य नेपालले २ विकेटको क्षतिमा ९.२ ओभरमा पछ्याएको हो ।

नेपालको जितमा लोकेश बमले सर्वाधिक ४४ रनको योगदान दिए । उनले मात्र २६ बलमा ७ चौका र १ छक्का प्रहार गरे । पूर्वकप्तान रोहित पौडेलले २० बलमा २१ रन जोडे । उनले २ चौका प्रहार गरे ।