हिमाली भेगमा हतारको यात्राले ज्यानकै जोखिम

लेक लागेर अन्नपूर्ण क्षेत्रमा गत आर्थिक वर्ष स्वदेशी र विदेशी गरि २५ जनाको ज्यान गएको छ। ती मध्ये अधिकांश पदयात्रामा गएका विदेशी पदयात्री छन्। अन्नपूर्ण क्षेत्रभित्रका हिमाली भेगमा पदयात्रा तथा घुमघामका लागि गएका ती पर्यटकले लेक लागेर ज्यान गुमाएको अन्नपूर्ण संरक्षण क्षेत्र आयोजना (एक्याप)ले बताएको छ।

एक्यापको तथ्यांकका अनुसार पछिल्लो तीनवर्षमा अन्नपूर्ण क्षेत्रमा लेक लागेर सबैभन्दा बढि भारतीय र त्यसपछि नेपाली पर्यटकको ज्यान गएको छ। एक्यापका अनुसार आर्थिक वर्ष २०८२/८३ मा लेक लागेर १२ जना नेपाली, ९ जना भारतीय, जापान, मेक्सिको, स्पेन, सिंगापुरका एक–एकजनाको ज्यान गएको एक्यापका आयोजना प्रमुख डा. रविन कडरियाले जानकारी दिए।