कवि शैलेन्द्र साकारको एकल कविता वाचन सम्पन्न

काठमाडौं । अग्रज कवि शैलेन्द्र साकारको एकल कविता वाचन सम्पन्न भएको छ । उक्त अवसरमा ‘राष्ट्रियतामा साहित्यको भूमिका’ विषयक वैचारिक विमर्शको पनि आयोजना गरियो ।

शनिबार (साउन १६) काठमाडौंमा आयोजित कार्यक्रममा काव्य क्षेत्रका विशिष्ट साधक साकारले आफ्ना एक दर्जन नयाँ कविता वाचन गरे । कवि साकारले ‘परदेशमा समय’, ‘बन्धन’, ‘मूर्ति’, ‘यो प्रेम’, ‘गिद्ध र बालक’, ‘सुरक्षा कति प्रतिशत’, ‘बाँच्न अयोग्य हुन्छ तानाशाह’, ‘पुतली’ र ‘सपना’लगायत शीर्षकका कविता वाचन गरे ।