दुर्गा प्रसाईंलाई रिहा गर्न अदालतको आदेश

काठमाडौं । मेडिकल व्यवसायी दुर्गा प्रसाईंलाई हिरासतमा राख्न अनुमति नदिँदै जिल्ला अदालत भक्तपुरले रिहा गर्न आदेश दिएको छ ।

जिल्ला प्रहरी परिसर भक्तपुरले सोमबार सरकारी वकिलको कार्यालयमार्फत प्रसाईंलाई अदालतमा उपस्थित गराउँदै तीनवटा कसुरमा अनुसन्धानका लागि सात दिन हिरासतमा राख्न म्याद थपको अनुमति मागेको थियो । उनीमाथि साइबर अपराध, राज्यविरुद्धको कसुरअन्तर्गत सार्वजनिक नैतिकता तथा शिष्टाचारविरुद्धको कसुर र सार्वजनिक शान्तिविरुद्धको कसुरमा अनुसन्धान गर्नुपर्ने भन्दै प्रहरीले म्याद मागेको थियो ।