नेपालमै विकसित ‘फिरिरी’ सुपर एप सञ्चालनमा, एउटै प्लेटफर्मबाट बहुसेवा उपलब्ध हुने

नेपालमै विकसित बहु-सेवा डिजिटल प्लेटफर्म ‘फिरिरी’ सञ्चालनमा आएको छ । कम्पनीले विभिन्न दैनिक सेवालाई एउटै डिजिटल प्लेटफर्ममा समेट्दै सुपर एपका रूपमा सेवा सुरु गरेको जनाएको छ ।

कम्पनीका अनुसार एपमार्फत राइड–सेयरिङ, खाना डेलिभरी, किराना तथा मार्केटप्लेस, पार्सल तथा लजिस्टिक्स, होटल तथा यात्रा बुकिङ, डिजिटल भुक्तानी, घरजग्गा सेवा, घरायसी मर्मत तथा प्राविधिक सेवा, रोजगारी तथा करिअर, अन–डिमाण्ड भिडियो स्ट्रिमिङ (ओटीटी) र डिजिटल सिकाइसम्बन्धी सेवा उपलब्ध गराइएको छ ।