चेक बाउन्समा सर्वोच्चको नजिर: साँवासँगै १० प्रतिशत ब्याज पनि तिर्नुपर्ने फैसला

न्यायाधीशद्वय कुमार रेग्मी र बालकृष्ण ढकालको संयुक्त इजलासले बैंक खातामा पर्याप्त रकम नभएको थाहा हुँदाहुँदै चेक काट्ने व्यक्तिले चेकमा उल्लेखित रकमसहित वार्षिक १० प्रतिशत ब्याज तिर्नुपर्ने ठहर गरेको हो ।

सर्वोच्चले विनिमय अधिकारपत्र ऐन, २०३४ को दफा १०७ (क) को व्याख्या गर्दै चेक अनादर भएको अवस्थामा धारकलाई चेकमा उल्लेखित रकम र ब्याज दुवै भराउनुपर्ने स्पष्ट पारेको छ ।