एउटै प्लेटफर्ममा यात्रा बुकिङदेखि एड्भेन्चरसम्म, डिजिटल ट्राभलको नयाँ गन्तव्य बन्दै ‘ट्रिप टर्बो’

काठमाडौं । यात्रा योजना बनाउँदा पहिले टिकट, होटल, यातायात र घुम्ने ठाउँको बुकिङका लागि छुट्टाछुट्टै माध्यम खोज्नुपर्थ्यो । डिजिटल प्रविधिको विस्तारसँगै भने यात्रासँग जोडिएका यी अधिकांश काम मोबाइल वा कम्प्युटरबाटै गर्न सकिने भएका छन् । यही परिवर्तनलाई नेपालको यात्रा तथा पर्यटन क्षेत्रमा विस्तार गर्ने उद्देश्यसहित अघि बढेको प्लेटफर्म हो- ट्रिप टर्बो ।

सन् २०२० मा स्थापना भएको ट्रिप टर्बो प्रा.लि.ले अहिले हवाई तथा बस टिकट, होटल तथा होमस्टे, एड्भेन्चर गतिविधि र विभिन्न ट्राभल एक्सपेरियन्सलाई एउटै डिजिटल प्लेटफर्ममा जोड्ने प्रयास गरिरहेको छ । ललितपुरको कुपन्डोलमा मुख्य कार्यालय रहेको कम्पनीको सुरुवात भने लामो समयदेखि नेपालको ट्राभल व्यवसायमा सक्रिय ‘नटराज टुर्स एन्ड ट्राभल्स’को अनुभवबाट भएको हो ।