टप एन्ड टी-२० खेल्न अनिल साहको कप्तानीमा १५ सदस्यीय नेपाल ‘ए’ टिम घोषणा

काठमाडौँ । नेपाल क्रिकेट संघ (क्यान) ले अस्ट्रेलियाको डार्विनमा हुने ‘टप एन्ड टी-२०’ प्रतियोगिताका लागि नेपाल ‘ए’ क्रिकेट टिमको घोषणा गरेको छ। क्यानका सचिव पारस खड्काले सोमबार एक प्रेस विज्ञप्ति जारी गर्दै १५ सदस्यीय टिमको घोषणा गरेका हुन् ।

आगामी अगस्ट २१ देखि ३० तारिखसम्म सञ्चालन हुने उक्त प्रतियोगितामा नेपालले सहभागिता जनाउनेछ। ‘टप एन्ड टी-२०’ प्रतियोगिता सकिए लगत्तै नेपाल ‘ए’ ले अस्ट्रेलियामै थप खेलहरू खेल्ने तालिका छ। जसअनुसार नेपालले साउथ अस्ट्रेलिया, तास्मानिया र न्युजिल्याण्ड ‘ए’ विरुद्ध मैत्रीपूर्ण सिरिज खेल्नेछ।