ओली–प्रचण्डको निचोड : तत्काल पार्टी एकता असम्भव

काठमाडौँ । केपी शर्मा ओली नेतृत्वको नेकपा एमाले र पुष्पकमल दाहाल ‘प्रचण्ड’ नेतृत्वको नेकपाबिच पार्टी एकताको चर्चा चुलिएका बेला दुवै नेताले तत्काल पार्टी एकता असम्भव भएको अभिव्यक्ति दिएका छन् ।

असार १४ गते एमालेका तत्कालीन महासचिव जननेता मदन भण्डारीको ७५औँ जन्मजयन्तीका अवसरमा काठमाडौँमा भएको कार्यक्रममा ओली, प्रचण्डसहित माधव नेपाल र झलनाथ खनालले एउटै मञ्च सेयर गरेपछि धेरैजसोले दुई पार्टीबिच एकताको वार्मअपका रूपमा बुझेका थिए ।