रेडक्रसको संशोधित विधान लागू नगर्न सर्वोच्चको अन्तरिम आदेश

२७ साउन, काठमाडौं । नेपाल रेडक्रस सोसाइटी (नेरेसो) संशोधित विधान कार्यान्वयन नगर्न अदालतले अन्तरिम आदेश दिएको छ । नेरेसोका सुदूरपश्चिम अध्यक्ष दिलबहादुर बुढाले दायर गरेको रिटमा सर्वोच्च अदालतले अन्तरिम आदेश दिएको हो ।

महिला, बालबालिका, लैंगिक तथा अल्पसंख्यक र सामाजिक सुरक्षा मन्त्रालयलाई विपक्षी बनाई दर्ता गरिएको रिटमा अदालतले सुनुवाई गर्र्दै संशोधित विधान लागू नगर्न अन्तरिम आदेश दिएको हो । नवगठित समितिलाई मन्त्रालयले कार्यादेश दिँदा विधान संशोधन गर्ने अधिकार नदिएको अन्तरिम आदेशमा उल्लेख छ ।