सिंहदरबारमा सचिवालयको समानान्तर शासन– दैनन्दिन काममा चरम हस्तक्षेप, कर्मचारी आजित !

पूर्वाधार विकास मन्त्री सुनिल लम्सालको सचिवालयमा कतिजना सल्लाहकार र सचिवालय सदस्यहरू कार्यरत छन् भन्ने कुराको स्पष्ट जवाफ मन्त्रालयका सचिव, प्रवक्ता वा कर्मचारी प्रशासन महाशाखा प्रमुख कसैसँग पनि छैन ।

साविकको भौतिक पूर्वाधार तथा यातायात मन्त्रालयको भवनमा सञ्चालित यस मन्त्रालयमा दिनहुँजसो नयाँ-नयाँ व्यक्तिहरू नियुक्त हुने र उनीहरूको हस्तक्षेप बढ्ने गरेपछि स्थायी कर्मचारीहरू वाक्कदिक्क भइसकेका छन् ।