जग खन्दै गर्दा हल्ला र धुलो हुनु स्वाभाविक हो: लामिछाने

राष्ट्रिय स्वतन्त्र पार्टी (रास्वपा) का सभापति रवि लामिछानेले वर्तमान युवा नेतृत्व असफल भएमा ‘युवाहरूले देश चलाउन सक्दैनन्’ भन्ने गलत भाष्य स्थापित भई भावी पुस्ताका लागि राजनीति र नेतृत्वको ढोका सधैँका लागि बन्द हुने चेतावनी दिएका छन्।

अन्तर्राष्ट्रिय युवा दिवसका अवसरमा मंगलबार पर्यटन बोर्डको हलमा रास्वपाद्वारा आयोजित विशेष कार्यक्रमलाई सम्बोधन गर्दै सभापति लामिछानेले यस्तो बताएका हुन्।