विशेष महाधिवेशनबाट संशोधित विधान कार्यान्वयनमै नआई संशोधनको माग

काठमाडौँ। नेपाली कांग्रेसको गत पुस अन्तिम साता सम्पन्न विशेष महाधिवेशनले संशोधन गरेको विधानको नयाँ व्यवस्था कार्यान्वयनमा नआउँदै संशोधनको माग उठेको छ । पार्टी केन्द्रीय कार्यालय सानेपामा जारी केन्द्रीय कार्यसमितिको बैठकमा बुधबार बोल्ने सदस्यहरूले त्यस्तो माग उठाएका हुन् ।

बैठकमा केन्द्रीय सदस्यहरूले विधानबाट हटाइएको स्वतः महाधिवेशन प्रतिनिधि हुन पाउने व्यवस्था पुनः कायम गर्न माग गरेका प्रवक्ता देवराज चालिसेले जानकारी दिए । केही साथीहरूले स्वतः महाधिवेशन प्रतिनिधि बन्ने गरी विधान संशोधनको माग राख्नुभएको छ, निर्णय गर्ने नगर्ने केन्द्रीय समितिको कुरा भयो, प्रवक्ता चालिसेले रातोपाटीसँग भने ।