कोलम्बिया भूकम्प : ४८ घण्टापछि भग्नावशेषमा नवजात शिशु फेला

दक्षिण अमेरिकी देश कोलम्बियामा सोमबार राति ७.४ म्याग्निच्युडको भूकम्प गएको लगभग ४८ घण्टापछि भग्नावशेषबाट एक बालकलाई जीवितै निकालिएको छ। भत्किएको पाँच तले आवासीय भवनको भग्नावशेषमुनि एक जना पुरुषसँगै ती बालक पनि फसेका थिए।

भूकम्पपछिको खोजी कार्यको तेस्रो दिन बुधबार यो उद्धार गरिएको थियो। सीएनएनको रिपोर्ट अनुसार उद्धार टोलीहरूले भग्नावशेष मुनिबाट एक जना मानिसको आवाज सुनेको बताएका छन्। ती मानिसले भने, 'हो, म यहाँ छु। म बच्चासँग छु।' उद्धार टोली र त्यहाँ उपस्थित अन्यहरूले तुरुन्तै आफ्नो हातले भग्नावशेष हटाउन थाले।