देउवा उतार्दै संस्थापन इतर, गगनलाई दबाब ह्वात्तैः अदालतको निर्णय प्रतिक्षामा !

काठमाडौं । नेपाली कांग्रेसको इतर पक्षले राष्ट्रिय भेला आयोजना गर्दैछ। साउन २९ गतेका लागि तय भएको भेलालाई सम्बोधन गर्न शेरबहादुर देउवा नेपाल आउदैछन्। देउवाले सम्बोधन गर्ने भनिएको भेलाले कांग्रेसको आन्तरिक राजनीति तरङ्गित मात्रै भएको छैन, कांग्रेस विभाजनमा पु¥याएर भूराजनीतिक चक्रलाई बलियो पार्ने शक्तिले समेत चलखेल बढाएको छ ।

नेपाली कांग्रेस ठूला धक्का खाएर स्थापित पार्टी हो। शक्तिशाली भनिएको नेकपा एमाले संकटमा छ। नेतृत्वमाथिका प्रश्नले एमालेमा देखिएको संकटका कारण एमाले कहिले बौरिएला? सवालहरु जिवित छन्। यता, अर्को शक्तिशाली र नेपालको लोकतान्त्रिक आन्दोलनको लामो लिगेसी बोकेको दल किन आन्तरिक विवादमा फस्यो ?