हेटौंडा सिमेन्ट उद्योगमा लहलहाएका घाँसे झाडी : चौध महिनादेखि तलबविहीन कर्मचारी

हेटौंडा । चार हातसम्म अग्लिएर लहलहाएका घाँसे झाडी, वर्षौंदेखि थन्केका पुराना गाडी र जीर्ण मेसिन, तिनै परिवेशमा निराश अनुहारहरू देखिन्छन्, हेटौंडा सिमेन्ट उद्योग परिसरमा ।

हातमा नबिल बैंकमार्फत ऋण मिनाहाका लागि आएको आदेशपत्र समातेर बसिरहेका ४२ वर्षीय कुमदेश झा तिनै अनुहारका बीचमा देखिन्छन् । २०७१ सालमा लोकसेवामार्फत (खुला) पाँचौँ तहमा नाम निस्किएपछि उनको नियुक्ति मकवानपुरको हेटौँडा उपमहानगरपालिका–९ लामसुरेमा अवस्थित हेटौँडा सिमेन्ट उद्योगमा भयो ।