प्यूठानमा एकै दिन चार शव फेला, पहिचान नखुलेपछि अनुसन्धान तीव्र

काठमाडौं– प्यूठानको स्वर्गद्वारी नगरपालिकाका विभिन्न स्थानमा बिहीबार एकै दिन चार जनाको शव फेला परेपछि स्थानीय क्षेत्रमा त्रास र चासो बढेको छ। माडी र लुङ्ग्री खोलाको किनारमा फेला परेका शवहरूको पहिचान अझै खुल्न सकेको छैन ।

जिल्ला प्रहरी कार्यालय प्यूठानका प्रमुख प्रहरी नायब उपरीक्षक नरहरि अधिकारीका अनुसार स्वर्गद्वारी नगरपालिका–९ जुडापाटास्थित माडी खोलाको किनारमा करिब १२–१३ वर्षका बालकको शव फेला परेको हो ।