स्मार्ट टेलिकम सम्पत्ति लिलामी प्रकरण : बैंकका अध्यक्षदेखि प्राधिकरणका पूर्वअध्यक्षसम्म २२ जनाविरुद्ध मुद्दा

काठमाडौं । स्मार्ट टेलिकमको सम्पत्ति लिलामी गरी एनसेललाई बिक्री गरेको प्रकरणले नयाँ कानुनी मोड लिएको छ । जिल्ला सरकारी वकिल कार्यालय काठमाडौंले नेपाल इन्भेष्टमेण्ट मेगा बैंक (एनआईएमबी) का उच्च अधिकारी, स्मार्ट टेलिकम र एनसेलसँग सम्बन्धित व्यक्ति तथा नेपाल दूरसञ्चार प्राधिकरणका पूर्वअध्यक्षसहित २२ जनाविरुद्ध काठमाडौं जिल्ला अदालतमा मुद्दा दायर गरेको हो ।

सरकारी वकिल कार्यालयले प्रतिवादीहरूमाथि ठगी, आपराधिक विश्वासघात, संगठित अपराध र बैंकिङ कसुरका अभियोग लगाएको छ । अभियोगपत्रमा प्रतिवादीहरूबाट ९६ अर्ब १२ करोड १७ लाख २० हजार ४४२ रुपैयाँ बिगो असुल गर्न माग गरिएको छ ।