भारी वर्षापछि मध्यपहाडी लोकमार्ग अवरुद्ध

रुकुमपूर्व - रुकुमपूर्वमा बुधबार साँझ परेको भारी वर्षाका कारण मध्यपहाडी लोकमार्ग अवरुद्ध भएको छ। भूमे गाउँपालिका–४ स्थित काडाबगर र धौलापहिरोमा लेदोसहितको भल तथा पहिरो खसेपछि सडक अवरुद्ध भएको हो।

सडक अवरुद्ध भएपछि काठमाडौं हुँदै रुकुमपूर्व, रुकुमपश्चिम र डोल्पातर्फ जाने यात्रुवाहक बससहित अन्य सवारीसाधन बाटोमै रोकिएका छन्। पहिरोका कारण यात्रुहरू समेत अलपत्र परेका छन्।