छानबिन प्रतिवेदन सार्वजनिक भएपछि एनसेलको आपत्ति, कानुनी उपचार खोज्ने चेतावनी

काठमाडौं। एनसेलले आफ्नो शेयर खरिद/बिक्रीसम्बन्धी छानबिन प्रतिवेदन सार्वजनिक गर्ने नेपाल सरकारको निर्णयप्रति आपत्ति जनाएको छ। कम्पनीले प्रतिवेदनमा समेटिएका संवेदनशील विवरण सार्वजनिक गरेर सरकारले गोपनीयताको संवैधानिक तथा कानुनी अधिकारमाथि हस्तक्षेप गरेको दाबी गरेको छ।

एनसेलले बिहीबार जारी गरेको विज्ञप्तिअनुसार मन्त्रिपरिषद्को निर्णयपछि सञ्चार तथा सूचना प्रविधि मन्त्रालयको वेबसाइटमार्फत ‘एनसेलको शेयर खरिद–बिक्री सम्बन्धी अध्ययन तथा छानबिन प्रतिवेदन, २०८०’ सार्वजनिक गरिएको हो। कम्पनीले प्रतिवेदनमा रहेका कतिपय सूचना तथा विवरण कानुनले गोप्य राख्नुपर्ने प्रकृतिका भएको दाबी गरेको छ।