मनास्लु बेसक्याम्प पुग्दा हात गोडा चल्न छोडेपछि!

केही समयअघि मात्र म मनास्लु बेस क्याम्प पुगेर आएको थिएँ। त्यहाँ पुग्दा किन म यति ढिलो गरें यहाँ आइपुग्न जस्ता कुराहरूले धिक्कारिरहेका थिए।

बुढीगण्डकीलाई पछ्याउँदै पछ्याउँदै गोरखाका उपल्ला गाउँहरूको स्वरूप, बनावट र सौन्दर्यलाई नियाल्दै गोरखाको सिर्दिबासबाट पैदल यात्रा सुरू गरेको थिएँ। सिर्दिबाससम्म गोरखा बजारबाट आरूघाट हुँदै जिपमा गएको थिएँ। सिर्दिबासबाट जगत, नामरूङ र ल्हो हुँदै तीन दिन लगाएर बल्ल तल्ल सामागाउँ पुगेको थिएँ। र सामागाउँबाट एक बिहान लगाएर बेसक्याम्प।