मेरो विगतको अनुभव मुलुक र पार्टीले लिन सक्नुपर्छ : शेरबहादुर देउवा

२८ साउन, काठमाडौं । नेपाली कांग्रेसका नेता तथा पूर्वप्रधानमन्त्री शेरबहादुर देउवाले आफ्नो विगतको अनुभव राज्य र पार्टीले लिनुपर्ने बताएका छन्। बिहीबार मात्रै पाँच महिनापछि नेपाल फर्किएका उनले अपिलपत्र जारी गर्दै यस्तो बताएका हुन्।

‘मैले राजनैतिक रुपमा लिनु पर्ने केही छैन तर मेरो विगतको अनुभव मुलुक र पार्टीले लिन सक्नु पर्छ र त्यो अनुभव नयाँ पुस्तालाई शेयर गर्नु मेरो दायित्व पनि हो। नेपाली कांग्रेसप्रतिको मेरो अटुट विश्वास र माया कहिल्यै कम हुने छैन,’ उनले भने।