स्वदेश फर्किएपछि देउवाको सन्देश : ‘शक्ति प्राप्त गर्न होइन, राष्ट्रिय एकता सुदृढ गर्न फर्किएको हुँ’

काठमाडौं : नेपाली कांग्रेसका पूर्व सभापति शेरबहादुर देउवाले आफू सत्ता र शक्तिको अभिलाषाले नभई राष्ट्रिय एकता सुदृढ गर्ने संकल्पसहित स्वदेश फर्किएको बताएका छन्।

स्वास्थ्य उपचारपछि स्वदेश फर्किए लगत्तै बिहीबार सामाजिक सञ्जालमार्फत उनले प्रतिशोधको राजनीति त्यागेर मेलमिलापको मार्ग रोज्नुपर्नेमा जोड दिए। गत भदौमा भएको जेनजी आन्दोलनका जायज माग सम्बोधन गर्नुपर्ने धारणा राख्दै उनले कांग्रेसले युवा पुस्ताले माग गरेको परिवर्तनलाई आत्मसात् गर्नुपर्ने बताए।