नाइमा एक्स्पोमा ट्रायम्फ स्पिड टी४ सार्वजनिक, मूल्य ६ लाख ४९ हजार ९०० रुपैयाँ

काठमाडौं- ट्रायम्फ मोटरसाइकल्स नेपालले काठमाडौंमा जारी NAIMA Nepal Mobility Expo 2026 मा नयाँ Triumph Speed T4 सार्वजनिक गरेको छ। नयाँ मोडलसँगै नेपालमा ट्रायम्फको ४०० सीसी सेग्मेन्टको लाइनअप थप विस्तार भएको छ।

कम्पनीले स्पिड टी४ को मूल्य ६ लाख ४९ हजार ९०० रुपैयाँ निर्धारण गरेको छ। आधुनिक क्लासिक रोडस्टर डिजाइनमा आधारित यो मोटरसाइकलमा क्लासिक रोडस्टरको डिजाइनसँगै लो–स्पिड टर्कलाई प्राथमिकता दिइएको कम्पनीले जनाएको छ। यसले शहरी सडकदेखि राजमार्ग र उकालो बाटोमा समेत सहज राइडिङ अनुभव दिने अपेक्षा गरिएको छ।