र्‍याडिसन ग्यास सिलिन्डर लुकाएको मन्त्रीको सचिवालयको दाबी, वाणिज्य विभाग भन्छ- होइन

काठमाडौँ । उद्योगमन्त्रीको सचिवालयले राजधानीको होटेल र्‍याडिसनमा १८४ वटा ग्यास सिलिन्डर लुकाएर राखिएको अवस्थामा भेटिएको दाबी गरेको छ । तर वाणिज्य, आपूर्ति तथा उपभोक्ता संरक्षण विभागले भने होटेलमा ‘छापा’ नमारिएको र नियमित अनुगमन मात्रै गरिएको जनाएको छ ।

उद्योग मन्त्रालयको सचिवालयले बजारमा खाना पकाउने एलपीजी ग्यासको कृत्रिम अभाव सिर्जना भइरहेका बेला रेडिसन होटेलमा व्यावसायिक प्रयोजनका लागि अत्यधिक मात्रामा ग्यास सिलिन्डर भण्डारण गरिएको भेटिएको जनाएको छ ।