पत्रकार महासंघले माग्यो प्रधानमन्त्री र गृहमन्त्रीको राजीनामा

जनआस्थाका सम्पादक किशोर श्रेष्ठको गिरफ्तारीलाई लिएर नेपाल पत्रकार महासंघकी अध्यक्ष निर्मला शर्माले प्रधानमन्त्री बालेन्द्र शाह र गृहमन्त्री सुधन गुरुङको तत्काल राजीनामा माग गरेकी छन्।

बिहीबार जनआस्थाका सम्पादक श्रेष्ठको बिनाशर्त रिहाइ र जफत गरिएका सञ्चार सामग्री फिर्ताको माग गर्दै आयोजित विरोध कार्यक्रममा बोल्दै अध्यक्ष शर्माले सरकारले संविधान र लोकतान्त्रिक मूल्यमान्यता मिचेकाले प्रधानमन्त्री र गृहमन्त्रीलाई पदमा बस्ने नैतिक एवं कानुनी अधिकार नरहेको दाबी गरिन्।