हुलाक अब चिठीबाट ‘सरकारी कुरियर’ मा रूपान्तरण, राहदानीदेखि लाइसेन्ससम्म घरमै पुग्न थाले

काठमाडौं– परम्परागत चिठीपत्र बोक्ने हुलाक सेवा अब सरकारी कागजात र सामग्री घरदैलोमै पुर्‍याउने आधुनिक ‘सरकारी कुरियर सेवा’ मा रूपान्तरण हुने दिशामा अघि बढेको छ। राहदानी, सवारी चालक अनुमतिपत्र, शैक्षिक प्रमाणपत्रलगायतका सरकारी सेवा घरमै पुर्‍याउने व्यवस्था लागू भएसँगै हुलाकको प्रयोग उल्लेखनीय रूपमा बढेको हुलाक सेवा विभागले जनाएको छ ।

नयाँ सरकार गठनपछि मन्त्रिपरिषद्को पहिलो निर्णयअन्तर्गत ल्याइएको ‘शासकीय सुधारसम्बन्धी १०० कार्यसूची’ तथा सञ्चार मन्त्रालयका प्राथमिक कार्यमध्ये हुलाकलाई सरकारी सामग्री ढुवानी सेवामा विकास गर्ने लक्ष्य राखिएको थियो। विभागका अनुसार त्यसअन्तर्गत हालसम्म उल्लेखनीय प्रगति भएको छ ।