‘गौंथली’ बन्यो दोस्रो सर्वाधिक कमाउने नेपाली फिल्म

काठमाडौं । प्रदर्शनको एक महिना पुग्न लाग्दा पनि दर्शकको आकर्षण कायमै राखेको नेपाली फिल्म ‘गौंथली’ सर्वाधिक कमाइ गर्ने नेपाली फिल्मको सूचीमा दोस्रो स्थानमा उक्लिएको छ।

साउन १ गतेदेखि प्रदर्शनमा आएको अरूण क्षेत्री र सिम्रन खड्का अभिनीत फिल्मले बिहीबार दिउँसोसम्म २१ करोड ४२ लाख २१ हजार रुपैयाँभन्दा बढी ग्रस व्यापार गरेको चलचित्र विकास बोर्डको ‘सिनेमा बक्स अफिस’ विवरणले देखाएको छ।