स्वास्थ्यकर्मीमाथिको हिंसा अन्त्य गर्न जवाफदेहिता निगरानी समितिको सरकारसँग आठबुँदे माग

काठमाडौं- अस्पताल तथा स्वास्थ्य संस्थामा चिकित्सक, नर्सलगायत स्वास्थ्यकर्मीमाथि बढ्दो कुटपिट, धम्की र दुर्व्यवहारप्रति जवाफदेहिता निगरानी समितिले गम्भीर चिन्ता व्यक्त गर्दै सरकारसँग तत्काल आठबुँदे कदम चाल्न माग गरेको छ।

समितिले कालीकोटमा नर्समाथि भएको कुटपिट तथा वीरगञ्जस्थित नारायणी अस्पतालमा चिकित्सकमाथि भएको आक्रमण र तोडफोडका घटनाले स्वास्थ्य संस्थामा हिंसाको समस्या गम्भीर बन्दै गएको जनाएको छ।