सामसङले नेपालमा सार्वजनिक गर्यो ग्यालेक्सी जेड फोल्ड८ सिरिज, एआईसँगै स्मार्ट ओनरशिप इकोसिस्टममा जोड

काठमाडौं । सामसङ नेपालले आफ्नो आठौँ पुस्ताको फोल्डेबल स्मार्टफोन सिरिजअन्तर्गत ग्यालेक्सी जेड फोल्ड८ अल्ट्रा, ग्यालेक्सी जेड फोल्ड८ र ग्यालेक्सी जेड फ्लिप८ सार्वजनिक गरेको छ । कम्पनीले बिहीबार काठमाडौंमा आयोजित कार्यक्रममा नयाँ फोल्डेबल फोनसँगै ग्यालेक्सी वाच९ र ग्यालेक्सी वाच अल्ट्रा पनि सार्वजनिक गरेको हो ।

नयाँ उत्पादनमार्फत सामसङले नेपाली उपभोक्ताका लागि नयाँ पुस्ताको ग्यालेक्सी एआई अनुभवसँगै स्मार्ट र सहज स्वामित्व यात्रालाई प्राथमिकता दिएको जनाएको छ । कम्पनीका अनुसार आठौँ पुस्ताको फोल्डेबल प्लेटफर्मले डिजाइन, टिकाउपन, पोर्टेबिलिटी र सफ्टवेयरमा वर्षौंदेखि गरिएको सुधारलाई समेटेको छ ।