देउवाको राजनीतिक योगदानको सम्मान गर्दै कांग्रेसले खोज्यो अभिभावकीय भूमिका

काठमाडौँ । नेपाली कांग्रेस केन्द्रीय कार्यसमितिको बैठकले पार्टीका निवर्तमान सभापति एवं पूर्वप्रधानमन्त्री शेरबहादुर देउवा लामो समयको स्वास्थ्य उपचारपछि स्वदेश फर्किएकोमा स्वागत गर्दै पूर्ण स्वास्थ्यलाभको कामना गरेको छ।

सभापति गगनकुमार थापाको अध्यक्षतामा सानेपामा जारी बैठकले प्रेस स्वतन्त्रता, संसदीय मर्यादा र रोल्पाको पहिरोमा भएको जनधनको क्षतिबारे समेत महत्त्वपूर्ण निर्णय गरेको छ।