देउवा आउनुभयो, म खुसी छु

कांग्रेस पूर्वसभापति शेरबहादुर देउवा पाँच महिनापछि जय नेपाल भन्दै नेपाल फर्केको कुराले म खुसी छु । तपाईं यो नभन्ठान्नु होला कि, उहाँ आउने कुराले म खुसी थिइनँ । किनभने, आफ्नो देशको पूर्वप्रधानमन्त्री जस्तो विशिष्ट व्यक्ति, उपचारका लागि पाँच–पाँच महिना विदेश बस्दा कुन नेपाली पो खुसी भइरहन सक्छ र ?

देउवा दम्पतीमाथि निर्घात कुटपिट, घरमा लुट र आगजनी मच्चाइएको थियो, पोहोर भदौ २४ गते । जेनजी विद्रोह नाम दिए पनि दोस्रो दिन भएका यी विध्वंशबारे सत्यनिष्ठापूर्वक छानबिन गर्न राज्यले कताकता खुट्टा कमाए जस्तो देखिन्छ ।