देउवा आएलगत्तै कांग्रेसमा दुई सभापति, सानेपालाई चुनदेवीबाट चुनौती

काठमाडौं- नेपाल फर्किएलगत्तै पूर्वप्रधानमन्त्री शेरबहादुर देउवाले पार्टीमा समानान्तर गतिविधि अगाडि बढाएका छन् । भदौ २३ र २४ मा भएको जेन-जी आन्दोलनमा नराम्रोसँग घाइते भएका देउवा उपचारका लागि भन्दै १४ फागुनमा विदेश पलायन भएका थिए ।

स्वदेश फर्केर उनले नेपाली कांग्रेसलाई विभाजनबाट रोक्ने र एकताको सन्देश दिन उपस्थित भएको वक्तव्य जारी गरे । वक्तव्यमा सामान्य नागरिक भएर नेपाल बस्न चाहेको र शक्ति प्रदर्शन गर्न नभई पार्टी र लोकतन्त्र बलियो बनाउन आएको दाबी गरेका देउवाले चुनदेवीको पार्टी कार्यालयमा सभापतित्व ग्रहण गरे । यससँगै देउवा पक्षले गगन थापालाई सभापति नस्वीकारेको छर्लङ्ग देखिन्छ ।