स्कटल्यान्डको शानदार जित, डेब्युमा रोबर्टसनको ६ विकेट

स्कटल्यान्डले क्रिकेट विश्वकप लिग–२ अन्तर्गत क्यानडामाथि १७० रनको फराकिलो जित हात पारेको छ।

फोर्थहिलमा भएको खेलमा कप्तान रिची बेरिङ्टनको शतक र डेब्यु गरेका लाइल रोबर्टसनको उत्कृष्ट बलिङमा स्कटल्यान्डले प्रभावशाली जित निकालेको हो। पहिले ब्याटिङ गरेको स्कटल्यान्डले निर्धारित ५० ओभरमा ७ विकेट गुमाएर ३४७ रनको विशाल योगफल बनायो। कप्तान बेरिङ्टनले १२० रनको शानदार इनिङ्स खेले। उनको यो एकदिवसीय अन्तर्राष्ट्रिय करिअरको सातौँ शतक हो।