मेडिकल व्यवसायी कानोडियाको पेसी ‘स्किप’

उच्च अदालत तुलसीपुर, नेपालगन्ज इजलासमा परेको सुरेशकुमार कानोडियासहितको रिट न्यायाधीश मदन पोखरेलको इजलासमा परेपछि ‘स्किप’ भएको छ। यसअघि सोही मुद्दासम्बन्धी विषय हेरेका न्यायाधीश पोखरेलकै इजलासमा पुनः रिट परेपछि उक्त मुद्दा हेर्न नमिल्ने भन्दै स्किप गरिएको हो।

अदालतले अब उक्त मुद्दाको पेसी भदौ ५ गतेका लागि तोकेको छ। न्यायाधीश पोखरेलले यसअघि यही विषयसँग सम्बन्धित मुद्दा हेरेका कारण पुनः उनकै इजलासमा पेशी परेपछि मुद्दा स्केप गरिएको उच्च अदालत तुलसीपुर, नेपालगन्ज इजलासका सूचना अधिकारी बलबहादुर विष्टले जानकारी दिए।