वेस्ट बैंकको गाउँबाट प्यालेस्टिनीहरूलाई घर छाड्न आदेश

कब्जा गरिएको वेस्ट बैंकस्थित एक गाउँमा इजरायली सेनाको सैन्य कारबाहीका क्रममा करिब एक दर्जन प्यालेस्टिनी परिवारलाई उनीहरूको घर छाड्न आदेश दिइएको छ। इजरायली बसोबासकर्ताले केही दिनदेखि सो क्षेत्रका तीनवटा घरमा बसोबास गर्ने बासिन्दाहरूलाई घेरा हालेर पानी र बिजुलीको आपूर्ति समेत बन्द गरेपछि यो घटना घटेको हो ।

गाउँलाई 'बन्द सैन्य क्षेत्र' घोषणा गरिएको छ र इजरायली सेनाले खाली गराइएका केही प्यालेस्टिनी घरहरूलाई ब्यारेकको रूपमा प्रयोग गरिरहेको छ। यद्यपि, इजरायली सेनाले भने यसको उद्देश्य बासिन्दाहरूको सुरक्षा गर्नु रहेको दाबी गरेको छ।