कास्किमा २ वटा पुल बगायो , मन्दिरमा फसेका ३ जनाको उद्दार प्रयास जारी

कास्की– अविरल वर्षापछि आएको बाढीले कास्की र पर्वत जोड्ने दुईवटा मेटल पुल बगाएको छ। शुक्रबार बिहान करिब २:१५ बजे मोदीखोलामा आएको बाढीले अन्नपूर्ण गाउँपालिका–५ र ६ को सीमाना नयाँपुल–बिरेठाँटी सडकखण्डनजिक रहेका दुईवटा पुल बगाएको हो।

मोदीखोलाको बीचमा रहेको अन्नपूर्ण माता मन्दिरतर्फ आवतजावत गर्न प्रयोग हुने कास्की र पर्वततर्फका दुईवटा मेटल पुलसँगै मन्दिरको आधा भागसमेत नदीले बगाएको प्रहरीले जनाएको छ।