विपद् पीडितलाई घर बनाउन सहुलियत कर्जा, बैंकलाई कार्यान्वयन गर्न राष्ट्र बैंकको निर्देशन

काठमाडौं । प्राकृतिक विपद्का कारण प्रभावित भएका परिवारले निजी आवास निर्माणका लागि सहुलियतपूर्ण कर्जा पाउने भएका छन्। सरकारले ‘सहुलियतपूर्ण कर्जाका लागि ब्याज अनुदानसम्बन्धी कार्यविधि, २०८२’ मा पहिलो संशोधन गर्दै यस्तो व्यवस्था गरेको हो।

अर्थ मन्त्रालयले आर्थिक कार्यविधि तथा वित्तीय उत्तरदायित्व ऐन, २०७६ अन्तर्गत संशोधित ‘सहुलियतपूर्ण कर्जाका लागि ब्याज अनुदानसम्बन्धी (पहिलो संशोधन) कार्यविधि, २०८३’ जारी गरेपछि नेपाल राष्ट्र बैंकले बिहीबार बैंक तथा वित्तीय संस्थालाई त्यसको कार्यान्वयन गर्न निर्देशन दिएको हो।