२६ वर्षपछि फर्किएको गौँथली

२०५७ सालमा रिलिज भएको म्युजिकल फिल्म गौँथलीले प्रदर्शनको ५१औँ दिन मनाएको इतिहास थियो। तत्कालीन माओवादी आन्दोलनका कारण सिनेमा हल बन्द भइरहेका बेला काठमाडौँमा लामो समय चल्न नसके पनि काठमाडौँबाहिर दाङलगायत तीन स्टेसनमा फिल्मले ५१औँ दिन मनाउन सफल भएको थियो।

त्यही फिल्मको अपडेटेड भर्सनका रूपमा २६ वर्षपछि पुनः गौँथली निर्माण भयो। गौंथलीका लेखक तथा निर्माता डा. भोला रिजालकै कथामा उनका छोरा डा. कपिल रिजालले निर्देशन गरेको यो उनको ह्यारी कि प्यारीपछि दोस्रो निर्देशकीय फिल्म हो।